Gasolinahan sa Cavite, hinoldap ng 3 katao

MANILA, Philippines — Isang gasolihan ang hinoldap ng 3 armadong kalalakihan kamakalawa sa Brgy. Salitran 4, Dasmariñas City, Cavite.

Sa ulat ng pulisya, bago nangyari ang holdapan,alas-10:22 ng umaga ay dumating ang 3 suspek sakay ng 1 motor at nagpakarga sa Phoenix Gasoline Station, na matatagpuan sa The Orchard.

Bumaba ang dalawang angkas at dumiretso sa opisina ng gasolinahan at nagdeklara ng holdap.

Nilimas ng mga suspek ang pera sa kaha at tinangay din ang mga celpon ng mga em­ple­yado bago mabilis na tumakas.

Sa review ng CCTV ng gasolinahan nakilala ang mga suspek at nagsasagawa na ng follow-up ang pulisya.