MANILA, Philippines — Umaabot sa P3.4 milyong halaga ng shabu ang nasabat ng mga tauhan ng Philippine Drug Enforcement Agency (PDEA) mula sa tatlong Chinese sa isinagawang buy-bust oeprations sa Angeles city kamakalawa.
Kinilala ang mga naarestong Chinese na sina Bin Da, 23; Hei Xiao, 21 at Gua Xiao, 20 pawang nanunuluyan sa Shanghai Bldg., Brgy. Balibago, Angeles City.
Batay sa report ng PDEA Region 3 kay PDEA Director General Moro Virgilio Lazo, nakatanggap ng impormasyon ang awtoridad kaya agad nagsagawa ng beripikasyon.
Subalit naging maingat ang mga suspek kaya tumagal ng isang buwan ang surveillance hanggang sa maikasa ang buy-bust operations.
Paglabag sa Section 5 (sale of dangerous drugs) kaugnay ng Section 26B (conspiracy to sell drugs) ng RA 9165 na isang non-bailable offense ang isasampa laban sa mga naarestong suspek.