MANILA, Philippines — Winasak ng Philippine National Police-Drug Enforcement Group ang tinatayang nasa P100 milyong halaga ng pinatuyong dahon ng marijuana ang nasamsam sa Kalinga.
Ayon sa PNP-DEG, Mayo 3 at 4 nang isagawa ang operasyon sa Barangays Loccong at Buscalan, Tinglayan, Kalinga.
Binunot at sinira ang nasa 225 kilo ng pinatuyong dahon ng marijuana at 122,500 fully grown marijuana plants sa Brgy. Loccong na nagkakahalaga ng P51.5 milyon.
Nakumpiska naman sa Barangay Buscalan ang nasa 137,500 fully grown marijuana plants na nagkakahalaga ng P27.5 milyon at 75,000 marijuana plants na tinatayang nasa P15 milyon.
Nadiskubre rin sa lugar ang 45,000 marijuana plants na may halagang P9 milyon.
Wala namang naaresto sa mga taniman ng marijuana sa mga isinagawang operasyon.
Pinuri naman ni PNP-DEG chief Dioniso Bartolome, Jr. ang operasyon ng kanyang mga tauhan. Aniya, patuloy ang kanilang kampanya laban sa iligal na droga.