MANILA, Philippines — Nilamon ng ilog ang isang mister matapos na aksidenteng malunod sa Brgy. Laoac, Alcala, Pangasinan, ayon sa ulat nitong Sabado.
Sa report na tinanggap ng Pangasinan Police, ang hindi pa nakilalang lalaki ay nalunod noong Huwebes ng gabi sa Agno River sa naturang lugar.
Ayon sa mga awtoridad, nakatanggap sila ng report hinggil sa lalaking natangay ng malakas na agos sa Agno River kaya mabilis silang nagresponde.
Gayunman, nabigo nang masagip ang nasabing lalaki dahil tuluyan na siyang tinangay ng malakas na agos.
Makalipas ang ilang minute, naiahon ng mga rescuers ang katawan ng biktima pero idineklaa nang dead-on-arrival nang maisugod sa Bayambang District Hospital.
Wala namang nakitang foul play ang mga awtoridad sa kasong ito.