MANILA, Philippines — Arestado sa mga tauhan ng Criminal Investigation and Detection Group (CIDG)-Davao City ang tatlong rebelde na miyembro ng Pulang Bagani Command sa isinagawang raid sa Davao City.
Sa bisa ng warrant of arrest na inilabas ni Presiding Judge Melinda Alconcel-Dayanghirang, ng 11th Judicial Region, RTC, Branch 54, Davao City noong Hunyo 30, 2023, sunud-sunod na nadakip sina alyas “Rosalina”, 52; alyas “Roldan”, 39, at alyas “Jayson”, 27, dahil sa kasong frustrated murder na may piyansang P200,000.
Ayon kay CIDG director, PMaj. Gen Romeo Caramat Jr., naaresto ang tatlo sa Brgy. Malabog Paquibato District, Davao City nitong Pebrero 24 at 25 sa ilalim ng Oplan “Pagtugis” ng PNP.
Nasa kustodya na ng Paquibato Police Station ang tatlong naarestong rebelde.