CAVITE, Philippines — Isang pugot na ulo na hinihinalang may kaugnayan sa unang nadiskubreng katawang walang ulo, ang natagpuan kamakalawa sa kahabaan ng Congressional Road sa Brgy. Cabilang Baybay, bayan ng Carmona, dito sa lalawigan.
Halos burado na ang mukha ng ulong pugot dahil sa pagkaagnas nito nang matagpuan dakong alas-6:30 dahilan upang hindi na ito makilala.
Sa nakalap na ulat mula sa pulisya, nakatanggap sila ng tawag sa ilang residente ng nasabing lugar hinggil sa natagpuang ulong pugot sa may ilalim ng tulay ng Congressional Road, Brgy. Cabilang Baybay bayan ng Carmona.
Matatandaan na una nang may natagpuang katawan ng isang lalaki na walang ulo sa bahagi ng Avilan road ng Brgy Lantic Carmona Cavite.
Sa pagisisyasat ng pulisya, base sa tattoo sa kanang dibdib nito na tila umano isang Chinese tattoo ito kung kaya may hinala na isang Chinese national ang biktima.
Dinala sa Cardona Funeral Homes ang pugot na ulo para isailalim sa autopsy at upang mabatid kung ito ang nawawalang ulo ng isang bangkay na natagpuan kamakailan sa nasabi ring bayan.