Binata na dyumingel patay sa tuklaw ng cobra

MANILA, Philippines — Isang 27-anyos na binata ang nasawi nang matuklaw ng cobra sa Paniqui, Tarlac.

Kuwento ng ama ng biktima, kasalukuyang umiihi lang sa labas ng bahay ang kanyang anak na si JR Bungay nang matuklaw ng nakamamatay na ahas.

Nagawa pang dalhin sa opsital si JR pero nasawi rin habang nahuli naman ang cobra na limang talampakan ang haba na isinilid sa sako saka pinatay.

Ayon naman sa Provincial Environment and Natural Resources Office (PENRO), labag sa batas ang pagpatay sa wildlife animals maliban lang kung nalagay sa alanganing sitwasyon ang nasa paligid nito. Pinaalalahanan ng ahensya na isuko sa kanila kapag may nahuling ahas.