Para sa gaganaping BSKE 2023 Election monitoring center sa Visayas, kasado na

MANILA, Philippines — Minobilisa na ng AFP-Visayas Command (AFP-Viscom) ang Election Monito­ring Center (EMC) sa kanilang tanggapan sa Camp Lapu-Lapu, Ce­­bu City upang lalo pang palakasin ang pag­babantay sa deploy­ment ng security forces para sa gaganaping Barangay at Sangguniang Kabataan Election (BSKE) bukas, Oktubre 30.

Sinabi ni AFP-Viscom Public Information Office chief Lt. Col. Israel Galorio, magkakaroon ng direktang komunikasyon ang EMC sa la­hat ng itinayong Election Monitoring Action Centers (EMAC) mula regional hanggang sa municipal level.

Samantala, mayroon din ang EMC na mga high-end communication at IT equipment upang masiguro na hin­di maantala ang komunikasyon lalo na sa araw mismo ng botohan.

“The Election Monitoring Center provides us with direct communication to our units on the ground, allowing us to have real-time information and updates on the situation, especially during the election. This will also ensure smooth coordination between and among security for­ces, and the COMELEC to expedite our res­ponse in case of any eventualities that may occur during the election,” pahayag ni AFP-Viscom commander Lt. Gen. Benedict Arevalo.

Ang EMC ng AFP-Viscom ang makiki­pag-coordinate sa PNP, Philippine Coast Guard, at Comelec sa regio­nal level samantalang pa­ngangasiwaan din nito ang deployment ng mga security personnel sa mga polling centers sa buong Visayas Region. Ang mga ito ang magbabantay sa mga elec­tion-related events o insidente gayundin sa electoral process sa araw ng eleksyon.

Ang EMC ay kabibila­ngan ng mga Army, Na­vy, at Air Force Offi­cers at Enlisted Personnel sa ilalim ng Viscom para masiguro ang e­pek­tibong interopera­bility sa pagresponde sa mga kaso at iba pang kaganapan.Bukas ang EMC ng 24-oras simula ngayong araw ng Sabado.