Drag artist na si Pura Luka Vega, ‘persona non grata’ sa Lucena
LUCENA CITY, Philippines — Mas lalo na ngayong lumiliit ang mundo ng kontrobersyal na drag artist na si Pura Luka Vega, matapos siyang idineklara na ring “persona non grata” sa Lucena City kaugnay sa kaniyang naging kontrobersyal na “Ama Namin” performance.
Inaprubahan kahapon, araw ng Martes ng Sangguniang Panglungsod ng Lucena ang isang resolusyon na nagdedeklara kay Amadeus Fernando Pagente o mas kilala bilang Pura Luka Vega na persona non-grata sa lungsod.
Ayon kay Konsehal Benito ‘Baste’ Brizuela, Jr. na naghain ng resolusyon, ang ginawa ni Pura Luka Vega ay “disrespectful, blasphemous, and shouldn’t be done by anyone regardless of what religion they might be talking about.”
Nauna nang naideklara ang drag artist bilang persona non grata sa mga lalawigan ng Laguna, Bukidnon, General Santos City, Floridablanca sa Pampanga, Toboso sa Negros Occidental, at lungsod ng Maynila.
- Latest
