Picnic nauwi sa trahedya: 2 college students nalunod
TUGUEGARAO CITY, Cagayan, Philippines — Dalawang college students ang nasawi matapos malunod sa karagatan ng Ballesteros habang kasagsagan ng kanilang picnic sa lalawigang ito noong Sabado.
Kinilala ang mga nasawing biktima na sina Lucy Ann Ugalino, 23, graduating student ng kursong Bachelor of Science in Civil Engineering, residente ng Brgy. Palloc Balle, Ballesteros, at Ryan Mendoza, 21, second year college naman na residente ng Brgy. Cabuluan West, sa nabanggit ding bayan.
Sa isinagawang imbestigasyon ng pulisya, kasama ang dalawa na nagpicnic sa nasabing dagat na bahagi ng Brgy. Cabaritan at habang naliligo sa dagat ay bigla umanong nawala ang mga biktima.
Kamakalawa ay narekober ang katawan ni Mendoza ng mga miyembro ng rescue personnel mula sa Philippine National Police, Bureau of Fire, at mga volunteers at kawani ng local government unit.
- Latest
