Cagayan inuga ng 5.6 magnitude na lindol

MANILA, Philippines — Niyanig ng 5.6 magnitude na lindol ang Caga­yan kahapon ng alas-7:31 ng umaga.

Ayon sa Philippine Institute of Volcano­logy and Seismology (Phivolcs) ang sentro ng lindol ay nasa la­yong 017 kilometro ng hilagang kanluran ng Dalupiri Island, Calayan, Cagayan.

Umaabot sa 015 kilometro ang lalim ng lupa ng lindol at ang ugat ng lindol ay tectonic na naramdaman sa lakas na intensity 5 sa Calayan, at Intensity 2 sa Flora, at Santa Marcela, Apayao.

Inaasahan na ng Philvolcs ang aftershocks kaugnay ng naganap na pagyanig.