Tuguegarao City, Cagayan, Philippines — Tatlong top most wanted sa buong Cagayan Valley (Region-02) ang dinakip ng mga otoridad sa magkakahiwalay na operasyon, ayon sa ulat ng Police Regional Office 2 (PRO2), kamakalawa.
Kinilala ang mga nadakip na wanted na sina Eric John Baoy, 28, top 2 most wanted na residente ng Tabang, Sto.Niño, Cagayan; alyas Jojo, 52, top 6 most wanted na residente ng Brgy. Batong-Labang, City ng Ilagan, Isabela at ang top 8 most wanted na si Eduardo Simon, 48, residente ng Brgy. Balatubat, Calayan, Cagayan.
Si Baoy ay nahaharap sa apat na bilang ng kasong panggagahasa, 2 counts ng statutory rape kay Jojo at Simon, at walang inirekomendang piyansa para sa kanilang pansamantalang paglaya.
Ang mga akusado na nasa pangangalaga ngayon ng PNP ay nadakip sa bisa ng warrant of arrest na inilabas ng korte.