Mag-utol hinoldap sa sementeryo
CABANATUAN CITY, Nueva Ecija, Philippines — Hinoldap ang magkapatid ng dalawang trabahador sa sementeryo habang inaayos ang bubungan ng museleo ng kanilang kaanak.
Sa ulat na nakarating kay P/Col. Richard Caballero, acting Nueva Ecija police director, kinilala ang mga biktima na sina Joemarie Dalo at 16-anyos nitong kapatid na lalaki.
Habang ang tatlong suspek na tinutugis ng pulisya ay kinilalang sina Mark Dionver Agustin, dating sundalo; Arvie Valdez; at Vergel Mislos, barangay tanod.
Batay sa ulat, sina Agustin at Valdez ay kinuha upang ayusin ang bubong ng museleo ng tiyuhin ng mga biktima.
Ayon sa magkapatid, sila ay tinutukan ng baril ng mga suspek sa loob ng museleo na matatagpuan sa Liwayway Memorial Homes, Purok 5, Barangay Liwayway, Santa Rosa, Nueva Ecija at puwersahang kinuha ang kanilang P2,500.00 cash money at singsing na nagkakahalaga ng P18,000.00.
- Latest
