2 magsasaka nakuryente sa bundok
MULANAY,Quezon, Philippines — Natagpuang patay sa bundok at may palatandaang nakuryente ang dalawang magsasaka kamakalawa ng hapon sa Barangay Sta.Rosa sa bayang ito.
Kinilala ng pulisya ang mga nasawi na sina Fabian Ermo, 75; at Sherwin Mediavilla, binata, kapwa mga residente sa naturang Lugar.
Batay sa imbestigasyon ni P/Cpl.Kenniel Gime,officer on case magkasamang nagpaalam sa kanilang mga kaanak ang mga biktima upang mamitas ng gulay, subalit hindi na nakabalik.
Sa paghahanap ay napadako sa bulubunduking bahagi ng barangay, alas-5:30 ng hapon si Reymark Mediavila at doon ay nakita niyang mga wala ng buhay ang tiyo at pinsan.
Nakahandusay umano ang mga biktima sa tabi ng nakakalat na live wire.
Patuloy na nagsasagawa ng imbestigasyon ang pulisya upang mabatid kung may foul play sa pagkakasawi ng mga biktima.
- Latest
