Tulay sa Cavite bumigay, 1 patay, 7 nawawala
MANILA, Philippines — Isa ang nasawi habang pitong katao pa ang pinaghahanap matapos bumigay ang isang tulay sa tabing-ilog, Sitio Talisayan, Brgy. Sampaloc 4, Dasmariñas City, kamakalawa ng gabi.
Kinilala ang nasawi na si Michael Pamel Beltran,17; Habang pinaghahanap pa ang pitong kabataan na bumagsak sa ilog.
Nakaligtas naman sina Jeralden Pacia, 16; Lyka Briones, 18; na nasugatan at dinala sa Pagamutan ng Dasmariñas; Lester Neri, 16: Generos Pacia, 16; Danica Uy, 12.
Batay sa ulat, bago naganap ang insidente, alas-9:00 ng gabi ay nagkayayaan ang mga biktima na pawang magkakaibigan na pumunta sa tulay at muling gumawa ng video para sa kanilang Tiktok.
Nabatid na nakagawian na ng magkakaibigan ang gumawa ng iba’t ibang video sa tulay na kanilang ina-upload sa kani-kanilang Facebook.
Habang nasa kalagitnaan ng paggawa ng video ay bigla na lang gumuho ang nasabing tulay at natabunan ang mga biktima.
Patuloy ang isinasagawang rescue operation sa 7 pang kabataan na pawang mga natabunan ng bumagsak na tulay. — Ed Amoroso
- Latest
