P37 milyong napinsala sa agrikultura dahil sa baha - DA

MANILA, Philippines — Umaabot na sa P37.68 milyong halaga ng agrikultura ang nasira dahil sa pagbaha sa mga lalawigan ng Ifugao, Sultan Kudarat, Sarangani at Zamboanga del Sur.

Ayon sa Department of Agriculture (DA), nasa 1,559 magsasaka ang naapektuhan ng matinding pagbaha habang nasa 822 metric tons ng produktong agrikultura at 1,770 ektaryang lupang sakahan ang nasira.

Kabilang sa mga nasira ay ang mga palay, high value crops, livestock at agri-facility.

Tiniyak naman ng DA na aayudahan ang mga apektadong magsasaka sa mga pagbaha para muling makabangon sa kanilang kabuhayan.