DASMARINAS CITY, Cavite, Philippines — Nalambat ang dalawang bigtime drug pusher at kapwa nasa (High Value Individual) HVI list ng pulisya sa isinagawang drugbust operation, kamakalawa ng hapon sa Brgy. Fatima 1K ng lungsod.
Kinilala ng pulisya ang mga suspek na sina Michael Candido, at Jerus Banawa, kapwa nasa hustong gulang at residente ng Blk. 4, Lot 2, Capitong St. ng nasabing barangay.
Sa imbestigasyon ni PCpl Wilfredo R. Villanueva Jr., alas-4:20 ng hapon nang maglatag ng buy-bust operation ang pinagsanib na puwersa ng PDEU Cavite PPO, SDEU, Dasmariñas CPS at PIU laban sa dalawang suspek. Nakuhanan ang mga ito ng 7 piraso ng plastic sachet na naglalaman ng mahigit sa 30 gramo ng shabu at aabot sa halagang P207,000.00. Nakuha din sa mga ito ang buy-bust money na ginamit sa operasyon.