LIBON, Albay, Philippines — Bulagta sa harap mismo ng kanyang pag-aaring funeral parlor matapos barilin ng hindi nakilalang gunman sa Zone-2, Brgy. Villa Petrona ng bayang ito kamakalawa ng hapon.
Dead-on-the spot dahil sa isang tama ng punglo sa ulo ang biktimang kinilalang si Hernani Almonte Siapno, may-asawa, residente ng naturang barangay at may-ari ng Siapno Funeral Parlor.
Sa ulat, dakong alas-5 ng hapon habang nakaupo sa harap ng punerarya ang biktima nang dumating ang hindi nakilalang suspek.
Sa hindi malamang dahilan ay walang kaabug-abog na bumunot ng baril ang suspek at biglang binaril nang malapitan sa ulo ang biktima.
Matapos bumulagta ay mabilis na tumakas ang suspek habang isang basyo ng bala ng kalibre 45 baril ang narekober ng mga pulis sa lugar.