Mt. Bulusan nagtala ng 178 pagyanig, nagbuga ng 613 toneladang asupre

MANILA, Philippines — Patuloy ang pag-aalburoto ng Mt. Bulusan sa Sorsogon matapos na magtala ang bulkan ng 178 volcanic earthquake sa nakalipas na 24 oras.

Ayon sa Philippine Institute of Volcanology and Seismology (Phivolcs), may 613 tonelada naman ng asupre ang ibinuga ng bulkan.

Nakapagtala rin ang bulkan ng 150 metro ng taas ng plume.

Bunsod nito, muling nagbabala kahapon ang Phivolcs sa publiko na huwag lalapit sa bulkan dahil sa patuloy ang “hydrothermal activity” nito na maaaring magdulot ng panibagong phreatic eruption.

Una nang ipinag-utos ng Sorsogon LGU na magpatupad ng pre-emptive evacuation sa bayan ng Juban dahil sa panganib na dulot ng bulkan.