Magsasaka at kabayo nilamon ng ilog

PAGBILAO, Quezon, Philippines — Patay na nang matagpuan ang isang magsasaka habang hinahanap pa ang kanyang kabayo matapos na lamunin sila ng rumaragasang ilog sa kasagsagan ng malakas na ulan,kamakalawa sa Barangay Ilayang Palsabangon sa bayang ito.

Kinilala ng pulisya ang biktima na si Erick Edora, 35, may-asawa ng nasabing barangay.

Ayon sa ulat, bandang ala-1:00 ng hapon ay sakay ng kanyang kabayo ang biktima at tinangkang tumawid sa ilog habang nasa kasagsagan ng malakas na ulan.

Subalit,dahil sa lakas ng agos ay kapwa tinangay ang mga ito.

Kahapon ng alas-10:30 ng umaga nang matagpuan ang bangkay ng biktima na nakasabit sa isang lambat.