Road tragedy sa Lubao, Pampanga Minibus nawalan ng preno: 14 patay!
MANILA, Philippines — Patay ang 14 katao habang inaalam pa ang bilang ng mga nasa kritikal na kondisyon nang araruhin sila ng isang minibus na nawalan ng preno sa national highway sa Barangay San Isidro, Lubao, Pampanga kahapon.
Sa inisyal na ulat, dakong alas-4 ng hapon nang maganap ang insidente habang nag-aabang ng masasakyan ang mga biktima na papuntang San Fernando sa isang waiting shed sa may kanto ng Greenville Subdivision.
Nabatid na hindi na nakaiwas pa ang mga biktima nang biglang araruhin sila ng isang humahagibis na mini bus ng Oster Liner mula sa Bataan.
Pumailalim pa ang katawan ng mga biktima sa ilalim ng bus, at ang iba ay tumilapon sa gitna at gilid ng kalsada.
Inaalam pa ang pagkakakilanlan ng mga biktima na Ilan sa kanila ay sinasabing yakap-yakap pa ang kanilang magulang.
Ang minibus ay nawasak din ang unahan bahagi nito matapos na tuluy-tuloy na sumalpok sa poste ng kuryente kasunod ng pag-araro sa mga biktima na nag-aabang lamang ng masasakyan.
- Latest
