3 barangay official itinumba sa kasagsagan ng bagyo

MANILA, Philippines — Tatlong opisyal ng isang barangay ang pi­nagbabaril hanggang sa mapatay ng armadong kalalakihan sa kasagsagan ng bagyong Odette sa Calbayog City, Samar kamakalawa.

Kinilala ang mga biktima na sina Brgy. Kagawad Jonas Casaljay, Chief Lupon Miguel Galvan, at Chief Tanod Benedicto Dacara, pa­wang mga residente ng Brgy. Cagbanyacao sa Calbayod City.

Ayon kay Pol. Lt. Aileen Velarde, information officer ng Samar Provincial Police Office (PPO), sa ngayon natukoy na nila ang anim na mga salarin sa naturang pamamaril ngunit hindi na muna nila ito pina­ngalanan.

Patuloy rin ang im­bestigasyon ng mga pulis sa motibo sa nasabing krimen na nangyari habang nananalasa ang bagyong Odette.