PIKIT, North Cotabato, Philippines — Idineklarang dead on arrival sa pagamutan ang isang rider habang sugatan naman ang angkas nito matapos pagbabarilin sila ng hindi pa kilalang mga suspek sa Brgy. Dalingaoen ng bayang ito.
Kinilala ang nasawi na si Rasul Samad, 33- anyos, may asawa habang sugatan naman ang angkas nitong si Michael Ibrahim, 24- anyos, pawang mga residente ng Brgy. Inug-ug, Pikit.
Sa ulat mula Pikit PNP, pasado alas-10:00 ng umaga habang binabaybay ng dalawa ang Poblacion highway sakay ng kanilang Honda XRM 125, ay bigla na lamang silang nilapitan ng salarin at pinagbabaril.
Nagtamo ng maraming tama ng bala sa katawan ang dalawa.
Naisugod pa ang mga ito sa pagamutan pero sinawimpalad si Samad habang nagpapagaling pa naman si Ibrahim.