282 katao tinamaan ng COVID-19 sa loob ng isang araw sa Bataan

MANILA, Philippines — Umabot na sa 2,975 ang bilang ng mga aktibong kaso ng COVID-19 sa lalawigan ng Bataan matapos makapagtala ng 282 na panibagong kaso sa loob lamang ng isang araw.

Sa kasalukuyan, 16, 862 na ang kabuuang bilang ng mga nagpositibo sa COVID-19, 34 sa mga ito ay nagpositibo sa Delta va­riant. Habang animnapu  naman ang mga gu­maling.

Sa kabuuan, ang mga nakarekober na ay 13,295 habang umabot na sa 592 ang mga pu­manaw kabilang ang isang 81-anyos na lalaki mula sa Dinalupihan.

Dahil sa pagtaas ng kaso ng COVID-19, patuloy din ang paalala ni Bataan Governor Abet Garcia sa lahat na palaging maghugas ng kamay, magsuot ng face mask at face shield at mag-observe ng physical distancing na dalawang metro.