Bulkang Taal nagbabadyang sumabog! — Phivolcs
Nagluwa ng abo na may taas na 1K-metro
MANILA, Philippines — Nagluwa ang Bulkang Taal sa lalawigan ng Batangas ng abo na may taas na 1,000 metro pahilagang kanluran at pahilagang silangan sa nakalipas na 24-oras na nagbabadya ng posibleng pagsabog.
Ayon sa Philippine Institute of Volcanology and Seismology (Phivolcs), ang naitalagng aktibidad sa bulkan ay bahagi ng patuloy na pag-aalboroto nito.
Ang bulkan ay nananatiling nasa “alert level 2” na nagpapakita ng pagtaas ng level ng pagiging aktibo nito na maaaring magdulot ng magmatic activity at pagsabog.
Ang Bulkang Taal ay naglabas ng 4,443 tonelada ng asupre nitong nagdaang linggo habang nakapagtala ng 13 volcanic tremors na may tagal na 270 minuto na isang palatandaan na ang patuloy ang magmatic unrest sa may shallow depths beneath ng bulkan.
Dahil sa mga pagbabagong nararanasan ng bulkan, patuloy na inaabisuhan ng Phivolcs ang mga lokalidad na nasa palibot ng bulkan na ugaliing mapagmasid at maging handa sa anumang epektong idudulot ng naturang pag-aalboroto.
- Latest
