Bangko sa Cabarroguis, Quirino isinara dahil sa COVID-19

TUGUEGARAO CITY, Cagayan, Philippines — Isinailalim sa indefinite lockdown kahapon ang sangay ng Land Bank of the Philippines sa Cabarroguis, Quirino matapos magpositibo sa COVID-19 ang ilan nilang kawani .

Sa kanilang social media advisory, pinangangambahan ng bangko na nakahawa ng maraming kliyente ang mga nagpositibo nilang kawani kung kaya’t nanawagan sila sa mga nagpunta sa kanilang sangay ng Marso 2-15 na sumailalim sa self quarantine upang masawata ang pagkalat ng virus.

Ayon sa LandBank, kasalukuyang isinasagawa ang malawakang contact tracing at disinfection sa kanilang gusali.

Dinadagsa ng publiko ang LandBank dahil dito naglalagak ng pondo ang pamahalaan para sa mga ayudang ibinibigay nito sa maliliit na mamamayan.