CANDELARIA, Quezon, Philippines — Swak sa kulungan ang isang kilalang flip top rapper na si “J-Skeelz” makaraang makuhaan ng hinihinalang shabu sa isinagawang anti-drug operation ng mga operatiba ng Municipal Drug Enforcement Unit (MDEU) sa loob ng isang hotel sa Barangay Masin Sur, dito kamakalawa ng madaling araw.
Sa ulat ni P/Lt. Col. Arnulfo Selencio, chief of police dito, nakilala ang nadakip na si Jason Yap Rodriguez o mas nakilala sa pangalang “J-Skeelz”, 37-anyos at residente ng 2002 G. Perfecto Extension, Gagalangin, Tondo, Manila.
Isinagawa ng mga awtoridad ang buy-bust operation sa suspek dakong alas-3:30 ng madaling araw sa isang kuwarto ng Premiere Hotel.
Nakuha sa suspek ang tatlong plastic sachet ng hinihinalang shabu, P1,000 marked money, pitong pirasong P1,000 boodle money at mga drug paraphernalia.