MANILA, Philippines — Patay ang mag-asawang senior citizen nang pasukin sa loob ng kanilang bahay at pagbabarilin ng mga hindi pa kilalang suspek kamakalawa ng gabi sa Agusan del Sur.
Dead-on-the-spot ang mga biktima na kinilalang sina Exequil Naldoza, 65; at misis nitong si Feliciana, 62, kapwa ng Purok 1, Brgy. Bayugan 2, San Francisco, Agusan del Sur.
Sa ulat, alas- 6:00 ng gabi nitong Sabado habang nagpapahinga ang mag-asawang matanda nang biglang dumating ang mga armadong lalaki at walang habas silang pinagbabaril ng cal. 45 pistol.
Matapos ang pamamaril, mabilis na tumakas ang mga salarin sa hindi malamang direksyon.