CAVITE, Philippines — Patay ang isang fireman matapos masalpok ng kotse ng isang estudyante habang lulan ng kanyang motorsiklo sa Molino Road, Brgy. Molino 4, Bacoor City.
Kinilala ng pulisya ang biktima na si Fire Officer 4 Ernel Natividad, 41-anyos, nakatalaga sa Parañaque Fire Station at residente ng Bacoor Cavite.
Kasong reckless imprudence resulting to homicide and damage to property ang kinakaha-rap naman ng suspek na si Jomari Garcia, 21, college student at residente ng Bacoor City.
Sa imbestigasyon ni P/Staff Stg. Edison Fetalcurin, dakong ala-1:30 ng hapon habang binabagtas ni FO4 Natividad ang naturang kalsada sakay ng Honda beat motorcycle nang magmenor dahil sa liliko pakanan. Gayunman, hindi nito namalayan ang paparating na kotseng Honda City (VET 907) ni Garcia sanhi ng salpukan.
Tumilapon ang bumbero na agad na naitakbo sa pagamutan subalit namatay habang nilalapatan ng lunas.