Faith healer itinumba sa daan
CAVITE, Philippines — Pinagbabaril hanggang sa mapatay ng ‘di nakilalang salarin ang sinasabing kilalang faith healer dito habang naglalakad pabalik sa kanyang sasakyan galing sa isang convenience store kahapon ng umaga sa Brgy, Nazareno, bayan ng Naic.
Kinilala ang napatay na albularyo na si Arturo Solomon, 40-anyos at residente ng Brgy. Ibayo Silangan, Naic, Cavite.
Hindi naman nakilala ang suspek na naka-itim na sando at pulang sumbrero na mabilis na tumakas tangay ang armas na ginamit sa krimen.
Sa imbestigasyon ni PSSgt. Richard F Atienza, alas-7:45 ng umaga, kalalabas lamang ng biktima sa isang convenience store at naglalakad na pabalik sa kanyang sasakyan nang biglang lapitan ng armadong suspek at sunud-sunod na pinagbabaril.
Duguang tumimbuwang ang biktima habang mabilis na tumakas ang salarin.
- Latest
