Legazpi City, Albay, Philippines — Bulagta sa loob mismo ng kanilang bahay ang isang habal-habal driver matapos na pasukin at pagbabarilin ng dalawang hindi nakilalang salarin sa Sitio San Roque, Brgy. Jagna-an sa San Jacinto, Masbate kamakalawa ng madaling araw.
Dead-on-the-spot dahil sa mga tama ng punglo sa katawan ang biktimang si Michael Dejumo Garamay, 40-anyos, residente ng nasabing barangay.
Hindi naman nakilala ang dalawang suspek na agad tumakas matapos nang pamamaril. Patuloy sa ginagawang imbestigasyon para sa pagkakakilanlan at motibo ng salarin sa pamamaslang.