TUGUEGARAO CITY, Cagayan, Philippines - Isang 69-anyos na lolo ang bumulagta matapos ratratin ng hinihinalang berdugo habang nanonood ng paborito niyang teleserye sa kanyang bahay sa Brgy. Centro 10 ng lungsod na ito noong Lunes.
Sa report kay City Chief of Police Lt. Col. George Cablarda, pinasok ng killer si Peter Suyu saka inubos ang isang magazine na bala sa kanyang katawan dakong alas-8:50 ng gabi.
Dead-on-the-spot ang matanda habang mabilis na tumakas ang killer na nag-iwan ng limang basyo ng bala ng cal. 45 sa crime scene.Nahaharap pa rin sa blangkong pader ang mga imbestigador kung ano ang motibo sa likod ng pamamaslang.