2 linemen kisay sa kuryente
LEGAZPI CITY, Albay , Philippines —Dalawang linemen ang nasawi matapos na kapwa makuryente habang itinutulak ang posteng ititindig nila sana sa tabi ng national highway sa Brgy. Gajo sa bayan ng Tiwi, Albay kamakalawa ng hapon.
Sinubukan pang isugod sa Ziga Memorial District Hospital sa Tabaco City pero kapwa idineklarang patay ang mga biktimang sina John Levy Racca Aligado, 21-anyos,residente ng Brgy. Bued Cuyapo at Joey Aglibot Pacleb, 30-anyos, residente ng Brgy. Maycaban, Cuyapo, Nueva Ecija, pawang empleyado ng Converge Pure Fiber Technology sa bayan ng Bacacay.
Sa ulat, dakong ala-1:50 ng hapon habang inaalalayan at itinutulak ng mga biktima ang konkretong poste na nakabitin sa boom truck para itindig sa tabi ng kalsada nang aksidenteng tumama ang dulo nito sa high voltage na transmission line ng Albay Power Energy Corporation dahilan para sabay na nakuryente at nangisay ang dalawa.
Agad silang sinaklolohan ng rescue team at isinugod sa ospital pero parehong hindi na umabot nang buhay.
- Latest
