Drug peddler tiklo sa checkpoint
ANGELES CITY , Philippines — Timbog ang isang hinihinalang drug peddler matapos mahulihan ng droga sa checkpoint sa kahabaan ng Arayat Blvd., Barangay Pampanga, Angeles City, Martes ng tanghali.
Sa ulat sa tanggapan ni P/Major Fercel Deloria, commander ng Police Station 2, kinilala ang suspek na si Aminoding Ali, 21, residente ng Lourdes Northwest.
Dakong alas-12:45 ng tanghali habang parating ang suspek lulan sa kanyang motorsiklo nang parahin ng mga pulis na nagsasagawa ng checkpoint sa nasabing lugar dahil sa walang suot na helmet. Gayunman, imbes na huminto ay nagtangkang tumakas si Ali ngunit agad siyang naharang at nagawang pumalag pa. Habang iniinspeksiyon ng pulisya, nakita sa kanyang bulsa ang dalawang plastic sachet ng hinihinalang shabu na nagkakahalaga ng P30,000.
Kasong paglabag sa R.A. 4136, Resistance And Disobedience at paglabag sa Comelec checkpoint (Transporting) sa Section 5 at 11 ng Art II ng R.A. 9165 o Comprehensive Dangerous Drugs Act of 2002 ang kakaharapin ng suspek.
- Latest
