2 studes tiklo sa droga sa klasrum
TUGUEGARAO CITY, Cagayan , Philippines — Arestado ang dalawang 16- anyos na binatilyong estudyante matapos matiklo ang itinatagong 25 paketeng pinatuyong dahon ng marijuana sa kanilang bag sa loob ng kanilang classroom sa Barangay Cataggaman Pardo ng lungsod na ito kamakalawa.
Sa report kay Supt. George Cablarda, hepe ng Tuguegarao Police, nabatid ng guro ng mga suspek na Grade 10 students ang itinatagong damo mula sa text message ng isang impormante.
Ayon sa report, ang mga nasamsam na marijuana ay nakabalot sa pinunit na pahina ng libro.
Isinagawa ang pagsisiyasat sa bag ng dalawa habang lunch break ng paaralan sa harap ng pulisya, mga opisyales ng barangay sa pangunguna ni Chairman Artemio Tallud at isang kinatawan ng Department of Justice.
Isinailalim sa drug test ang mga binatilyo bago ipinasakamay sa DSWD.
- Latest
