CAVITE , Philippines — Walong jeeney driver ang inaresto matapos umanong maaktuhan na nagpa-pot session sa loob ng isang dyip sa mismo nilang terminal kamakalawa sa Imus City ng lalawigan.
Kinilala ang mga naarestong suspek na sina Roberto Vargas Jr ng 11 Brgy. Malagasang 2C, Imus City; Roberto Navarette ng Brgy Malagasang 1A Imus City; Alberto Bungabong Jr ng Brgy Bayan Luma 4 Imus City; Abundio Calimbahin ng Brgy Zapote 1, Bacoor City; Rolando Pasto ng Brgy. Bucandala 1, Imus; Rommel Magana ng Brgy. Malagasang, 2F Imus City; Bernard Saflor ng Brgy. Malagasang 1B, Imus City; Christopher Sarmiento ng Brgy. Pasong Camachile 2, Gen. Trias City, pawang sa Cavite.
Sa ulat ng pulisya, alas-7:00 ng gabi nang matiyempuhan ng pulisya ang mga suspek sa kanilang terminal sa may Brgy. Bayan Luma 2, sa nasabing lungsod na aktong nagsasagawa ng shabu session sa loob ng isang jeep na pag-aari ng isa sa mga suspek.
Nabatid na bago at pagkatapos na pumasada ang mga suspek ay sumisinghot ang grupo ng droga sa loob ng jeep.