MANILA, Philippines – Kasalukuyang nagpapagaling sa ospital si Daanbantayan Mayor Vicente Loot matapos niyang mabaril ang sarili sa binti.
Sinabi ni PNP chief Director General Oscar Albayalde na ligtas na si Loot at nasa isang ospital sa Cebu.
Ayon sa mga ulat, nasa Barangay Lanao si Loot upang makipaglamay. Sakay ang alkalde ng Mistubishi Estrada ng kaniyang dating tauhan nang ilipat niya ang baril na biglang pumutok.
BASAHIN: Digong kay Loot: Huwag na tayong maglokohan
Nitong buwan lamang din ay nakaligtas naman si Loot mula sa pananambang.
Isa si Loot sa mga binansagan ni Pangulong Rodrigo Duterte bilang “narco-general.”