Misis kinatay ni mister
LEGAZPI CITY, Albay , Philippines — Kamatayan ang sinapit ng isang 54-anyos na misis sa kamay mismo ng kanyang sariling mister nang pagsasaksakin siya sa loob ng kanilang bahay sa Zone 2, Brgy.Tinanguihan, Libmanan, Camarines Sur kamakalawa ng gabi.
Sinubukan pang isugod ng kanyang mga kaanak sa Libmanan District Hospital pero idineklarang patay ang biktimang si Nida Semana Vargas habang tumakas ang suspek na mister nito na si Roberto Vargas, 51-anyos, pawang residente ng nasabing barangay.
Sa ulat, dakong alas-11 ng gabi nang marinig ng mga kapitbahay ng mag-asawang Vargas ang mainitang pagtatalo ng dalawa sa loob ng kanilang tahanan. Gayunman, ilang sandali ang lumipas ay nakitang pinagsasaksak na ng mister ang kanyang misis sa ibat-ibang bahagi ng katawan.
- Latest
