Kelot nagbigti sa karinderya

TUGUEGARAO CITY, Cagayan, Philippines — Pinaniniwalaang dinamdam ng isang 21-anyos na binata ang pag-aaway nila ng kanyang nobya kaya nagawa nitong kitilin ang sariling buhay sa pamamagitan ng  pagbibigti sa loob ng isang karinderya sa Brgy. #40 Buyon, Bacarra, Ilocos Norte noong Lunes.

Gulantang ang mga parokyano ng kainan nang madatnan si Jonhsen Von Tagata na taga-Laoag City na nakabitin at lawit pa ang dila sa kisame dakong alas-8:40 ng umaga.

Sa report na ipinalabas ni Chief Insp. Dexter Corpuz, tagapagsalita ng Ilocos norte PNP, wala namang nakitang bakas ng foul play sa crime scene.

Sinasabing lubos na dinamdam ng biktima ang nangyaring bangayan nila ng kasintahan na nasa ibang bansa bilang OFW.