CAMP JULIAN OLIVAS, Pampanga , Philippines — Napatay ang hinihinalang drug peddler na nasa drug watchlist matapos na umano’y makipagbarilan sa mga operatiba sa isang buy bust operation ng pulisya sa Hadrian Ext. 3, Brgy. Balibago, Angeles City kahapon ng umaga. Sa ulat na nakarating kay P/CSupt. Amador Corpus, regional director, kinilala ang napatay na si Cris Rosales, residente sa Sitio Ipil-Ipil, Pulong Maragul, Angeles City. Dakong alas-5:45 ng umaga matapos magpanggap na poseur buyer ang pulis at nang makatunog ang suspek ay agad na bumunot ng kanyang dalang baril at pinutukan ang mga operatiba. Gayunman, gumanti ng putok ang mga pulis kaya napatay si Rosales.