5 ‘most wanted’ nalambat
Arestado sa mga tauhan ni P/Supt. Ferdinand Germino ng 1st Provincial Mobile Force Company ang rape suspect na si Kim Eduard Barte matapos na isilbi dito ang warrant of arrest na ipinalabas ng korte dahil sa panggagahasa ng apat na beses sa babaeng menor-de-edad sa Meycauayan City, Bulacan. Kuha ni Boy Cruz
BULACAN, Philippines — Arestado ang limang katao kabilang ang lalaking may nakabimbing kaso ng apat na beses na panggagahasa sa menor-de-edad na babae matapos na muling paigtingin ng pulisya ang paghahanap sa mga taong may nakabimbing kasong kriminal sa korte.
Ang mga suspek ay sina Kim Eduard Barte 23, ex-security guard ng Brgy. Sto. Niño, Meycauayan City, may kasong 4 counts ng rape, Ranniel Castro, 39; ng Brgy. Caysio, Santa Maria (murder); Eduard Del Valle 24 ng Brgy. Tiaong, Guiguinto (qualified theft), Jasmine Reyes, 24, ng Brgy. Sipat, Plaridel (qualified theft) at Arnel Battung ,38, ng Brgy. Kaypian, San Jose del Monte City (R.A. 9262).
Sa ulat ni P/Supt. Ferdinand Germino ng 1st Provincial Mobile Force Company, unang nasakote ang suspek na si Barte dakong alas-8:23 ng umaga sa loob ng isang kilalang shopping mall nang isilbi ang ang warrant of arrest na ipinalabas ni Judge Ma. Cristina Laderas ng RTC Br.85 para sa kasong rape at walang inirekomendang piyansa.
Nabatid din na nakasampa pa ang tatlong kaso ng rape sa suspek sa mga RTC Br. 9,16 at 79, pawang sa Malolos City dahil sa panggagahasa sa 14-anyos na babae sa Meycauayan City, may tatlong taon na ang nakakalipas.
Sumunod naming nasakote ang apat na iba pa.
- Latest
