Ginang nilapa ng buwaya sa Palawan

MANILA, Philippines - Isang 45-anyos na babae ang nagtamo ng malubhang sugat matapos atakihin ng buwaya sa Balabac, Palawan.

Ayon sa ulat ng Palawan News, lumabas sa imbestigasyon na sinunggaban ang biktimang si Maritsaya Hussin ng buwaya habang kumukuha ito ng tubig sa isang ilog.

Nakatakas lamang ang biktima sa tiyak na kamatayan matapos na pagbabatuhin ng kanyang pamangkin ang buwaya.

Agad na isinugod sa Balabac Local Rura Health Unit si Hussin kung saan ito nagpapagaling.