75-anyos ama kinatay ng anak
Brutal na kamatayan ang sinapit ng 75-anyos na ama matapos itong pagtatagain ng sariling anak na sinasabing nawala sa katinuan kahapon ng umaga sa Pagadian City, Zamboanga del Sur. File
MANILA, Philippines - Brutal na kamatayan ang sinapit ng 75-anyos na ama matapos itong pagtatagain ng sariling anak na sinasabing nawala sa katinuan kahapon ng umaga sa Pagadian City, Zamboanga del Sur.
Kinilala ni P/Inspector Helen Galvez, hepe ng Public Information Office region 9 ang biktima na si William Carvajal na nagtamo ng mga taga sa ulo.
Kaagad namang naaresto ang suspek na si Nino Gaco Carvajal, 35.
Sa inisyal na ulat na nakarating sa Camp Crame, lumalabas na dakong alas-7 ng umaga nang maganap ang krimen sa labas ng bahay ng mag-ama sa Purok Nangka, Barangay Tuburan.
Bago pa umano maganap ang insidente ay sinasabing nawala sa katinuan ang suspek noong Agosto 16 at bigla na lamang nagwala.
Subalit kahapon habang papasok umano sa trabaho ang biktima ay bigla na lamang siyang pinagtataga at napatay ng suspek.
Ayon kay P02 Mozrach Lapid, base sa salaysay ng mga kaanak ng mag-ama, sinasabing may diperensya sa pag-iisip ang suspek kaya nagawa ang krimen nang walang dahilan.
- Latest
