Trak salpok sa van: 10 patay, 8 sugatan
Ayon kay Sr. Inspector Maria Teresita Gaspan, Spokesperson ng Davao City Police , siyam sa mga biktima ay dead on the spot sa insidente habang isa pa ang idineklarang dead on arrival sa pagamutan. Kabilang naman sa mga nasawi ay ang driver ng van. File
MANILA, Philippines - Sampu katao ang nasawi habang walo pa ang malubhang nasugatan makaraang suwagin ng isang truck ang kasalubong nitong pampasaherong van sa Bunawan District, Davao City kahapon ng madaling-araw.
Ayon kay Sr. Inspector Maria Teresita Gaspan, Spokesperson ng Davao City Police , siyam sa mga biktima ay dead on the spot sa insidente habang isa pa ang idineklarang dead on arrival sa pagamutan. Kabilang naman sa mga nasawi ay ang driver ng van.
Patuloy namang nilalapatan ng lunas sa Southern Philippines Medical Center sa lungsod ng Davao ang 8 pang mga nasugatang pasahero ng van kung saan apat dito ang nasa kritikal na kondisyon.
Sa imbestigasyon, dakong alas–5 ng madaling-araw nitong Miyerkules habang bumabagtas sa lugar ang pampasaherong van nang makabanggaan nito ang Elf truck. Nag-overtake ang truck sa isa pang behikulo sa highway malapit sa Brgy. Tibungco na nagbunsod sa malagim na sakuna.
Sa lakas ng pagkakabangga, agad na binawian nang buhay ang 9 sa mga biktima na naipit ang mga katawan sa malagim na sakuna sa lansangan.
- Latest
