May-ari ng KTV bar dedo sa tandem
Duguang nakatimbuwang ang katawan ni Maragun habang sinusuri ng mga tauhan ng Scene Of the Crime Operations (SOCO) sa gilid ng highway sa Barangay Napaccu Grande sa bayan ng Reina Mercedes, Isabela noong Martes. Raymund Catindig
TUGUEGARAO CITY, Cagayan , Philippines - Isa pang drug suspek na sinasabing may-ari ng dalawang KTV bar ang napaslang makaraang ratratin ng riding-in-tandem assassins habang sakay ng kanyang motorsiklo sa kahabaan ng highway sa Barangay Napaccu Grande, bayan ng Reina Mercedes, Isabela kahapon ng umaga. Kinilala ni P/Senior Insp. Bruno Palattao, hepe ng Reina Mercedes Police Station ang napatay na si Diether Maragun, 59, ng Barangay San Luis sa Cauayan City, Isabela. At may-ari ng Lovely at Bigote KTV Bar. Ayon kay Palattao, patungo sa Cauayan City si Maragun mula sa pag-aaring beerhouse nang ratratin sa kahabaan ng highway dakong alas-9 ng umaga.? Nabatid na sumawsaw na sa Oplan Tokhang si Maragun noong 2016 at nakapiyansa sa kasong pagtutulak.
- Latest
