College stude nasermunan ng nanay, nag-suicide
Nagbaril sa sarili ang 17-anyos na college student matapos itong pagalitan ng kanyang nanay sa Barangay Malamote, bayan ng Kabacan, North Cotabato, kahapon ng umaga. STAR/File
KIDAPAWAN CITY, North Cotabato, Philippines - Nagbaril sa sarili ang 17-anyos na college student matapos itong pagalitan ng kanyang nanay sa Barangay Malamote, bayan ng Kabacan, North Cotabato, kahapon ng umaga.
Sa panayam kay P/Insp. Maxim Peralta ng Kabacan Police, kinilala ang biktima na si Kerk Gabito Madiz.
Batay sa ulat ng pulisya, sinabihan umano ng kanyang mga magulang si Madiz dahil sa magaspang nitong pag-uugali.
Gayunman, kinaumagahan ay nag-usap pa ang biktima at kanyang kasintahan sa labas ng bahay kung saan niyakap nito at nagsabing “mahal na mahal kita”.
Bigla na lamang pumasok sa kanilang silid ang biktima saka nagbaril sa ulo gamit ang cal.45 pistol.
Nagawa pang maisugod sa pagamutan ang biktima subalit hindi na umabot ng buhay.
Ayon pa sa ulat, matinding problema sa pag-aaral at depresyon ang isa sa motibo kaya nagpakamatay ang biktima.
- Latest
