COTABATO CITY, Maguindanao , Philippines - Tatlo-katao ang namatay makaraang pumutok ang gulong ng kanilang motorsiklo sa kahabaan ng national highway sa Barangay North Manuangan, bayan ng Pigcawayan, North Cotabato kamakalawa ng tanghali. Kinilala ni Pigcawayan chief P/Chief Insp. Realan Mamon ang mga biktima na sina Adel Salilaban Salem, 21; Mukaladin Manalasal Salem, 21; at si Alenor Arba, mga nakatira sa Barangay Bulucaon sa nasabing bayan. Sa inisyal na imbestigasyon, ng pulisya, magkakaangkas ang tatlo sa motorsiklo nang pumutok ang unahang gulong nito kaya nawalan ng kontrol ang driver at tumilapon ang mga ito. Walang mga helmet o anumang protective gears ang mga biktima kaya nagtamo sila ng matinding pinsala. Dalawa sa mga biktima ang idineklarang patay sa ospital namatay naman habang ginagamot si Adel Salem.