TUGUEGARAO CITY, Cagayan, Philippines - Umaabot sa 41-katao na sinasabing manonood ng Panagbenga Festival ang nasugatan matapos bumaliktad ang kanilang bus sa Sitio Badiwan, Barangay Poblacion, bayan ng Tuba, Benguet kahapon ng tanghali.?Sa police report, nawalan ng preno ang bus (SAA 2946) na pag-aari ng Development Bank of the Philippines (DBP) na minamaneho ni Jhonson Binabay sa pabulusok na highway mula sa Mines View Park nang mawalan na ito ng kontrol at bumaliktad. Napag-alamang nag-staff seminar ang mga biktima bago tutungo sa nasabing festival. Nabatid na karamihan sa mga biktima na isinugod sa Baguio General Hospital and Medical Center ay kawani ng nasabing bangko na umakyat upang mapanood ang pamosong float parade ng Panagbenga Festival.