Tulak uli todas sa buy-bust

CAVITE , Philippines - Napaslang ang 45-anyos na drug pusher na nasa drug watchlist matapos itong kumasa at makipagbarilan sa mga pulis sa inilatag na buy-bust operation sa bisinidad ng Barangay Sapa 2 sa bayan ng Rosario, Cavite kahapon ng madaling araw. Dalawang tama sa katawan ang tumapos sa buhay ni Jun Torres “Bisyo” Figuoroa ng Cotobato Street sa Barangay Sapa 2, bayan ng Rosario, Cavite. Sa imbestigasyon ng pulisya, isinagawa ang operasyon laban kay Jun dahil sa patuloy na pagtutulak nito ng droga. Kumasa naman ang suspek sa mga pulis kaya ito napatay. Narekober  sa encounter site ang cal. 38 revolver na may 3 bala, coin purse na may 3 plastic sachet na shabu at P500 marked money.