BULACAN, Philippines – Patay ang 28-anyos na drug peddler habang ang dalawa nitong kasabwat ay nasakote sa isinagawang ang buy-bust operation sa Brgy. Loma De Gato, bayan ng Marilao, Bulacan kamakalawa ng gabi. Kinilala ang napatay na si Cristino “Pindoy” Junio Jr. ng Phase 4, Heritage Homes sa nasabing barangay. Kalaboso naman ang dalawang suspek na sina Celmo ‘Selmo” Agame, 38; at Ricardo Sanchez, 42, mga nakatira sa Phase 5-A sa naturang lugar. Sa police report na nakarating kay P/Supt. Amado Mendoza Jr., nakatunog si Junio na pulis ang ka-deal sa bentahan ng droga kaya ito tumakbo at nakipagbarilan hanggang sa mapatay. Naaresto naman sina Agame at Sanchez sa ikalawang buy-bust operation ng pulisya sa bahagi ng Phase 5-A sa nasabing barangay. Narekober ng pulisya ang cal .38 revolver, motorsiklo ni Junio, 10 plastic sachet ng shabu at ang P700 marked money na ginamit sa operasyon.